Psalms 92

Wimbo Wa Kumsifu Mungu

(Zaburi: Wimbo Wa Sabato)

1 ^aNi vyema kumshukuru Bwana
na kuliimbia jina lako, Ee Uliye Juu Sana,

2 ^bkuutangaza upendo wako asubuhi,
na uaminifu wako wakati wa usiku,

3 ^ckwa zeze yenye nyuzi kumi
na kwa sauti ya kinubi.

4 ^dEe Bwana, kwa kuwa matendo yako yamenifurahisha,
nitaziimba kwa shangwe kazi za mikono yako.

5 ^eEe Bwana, tazama jinsi yalivyo makuu matendo yako,
tazama jinsi yalivyo ya kina mawazo yako!

6 ^fMjinga hafahamu,
mpumbavu haelewi,

7 ^gingawa waovu huchipua kama majani
na wote watendao mabaya wanastawi,
wataangamizwa milele.

8 Bali wewe, Ee Bwana,
utatukuzwa milele.

9 ^hEe Bwana, hakika adui zako,
hakika adui zako wataangamia.
Wote watendao mabaya watatawanyika.

10 ⁱUmeitukuza pembe ▼

▼ Pembe inawakilisha nguvu.

yangu kama ile ya nyati dume,
mafuta mazuri yamemiminwa juu yangu.

11 ^kMacho yangu yamewaona adui zangu wakishindwa,
masikio yangu yamesikia maangamizi ya adui zangu waovu.

12 ^lWenye haki watastawi kama mtende,
watakuwa kama mwerezi wa Lebanoni,

13 ^mwaliopandwa katika nyumba ya Bwana,
watastawi katika nyua za Mungu wetu.

14 ⁿWakati wa uzee watakuwa bado wanazaa matunda,
watakuwa wabichi tena wamejaa nguvu,

15 ^owakitangaza, “Bwana ni mkamilifu;
yeye ni Mwamba wangu,
na ndani yake hamna uovu.”